Permanent Midnight (1998)

Ágætis mynd sem lýsir fíkniefnaerfiðleikum rithöfundar í Hollywood. Hún verður að flokkast sem drama en samt er húmorinn aldrei langt undan. Leikararnir standa sig allir alveg frábærlega, sérstaklega Ben Stiller sem léttist víst um 15 kíló fyrir þetta hlutverk og ekki var hann nú þybbinn fyrir. Mario Bello úr ER þáttunum og Payback skilar líka öflugri frammistöðu ásamt Elizabeth Hurley. Yfir heildina litið er samt eins og það vanti eitthvað í þessa mynd en hún á samt sínar stundir og nær vel að lýsa fíkniefnavítahringnum sem aðalpersónan lendir í.