The Air I Breathe (2007)

Reglulega góð mynd sem segir nokkrar sögur sem tengjast allar á einn eða annan hátt. The Air I Breathe er í sjálfu sér ekkert mjög frumleg mynd en tekst samt einhvern veginn að vera frekar óvenjuleg. Hún er sögð á svipan hátt og Pulp Fiction og(hin ofmetna) Sin City en er samt mjög ólík þeim myndum enda allt annar stíll og myndataka. Sögupersónurnar í The Air I Breathe ná vel til manns og manni stendur alls ekki á sama um þær. Myndin byggist á karakterum sem maður hefur samúð með. Forest Whitaker byrjar myndina sem óöruggur skrifstofumaður sem tapar 50.000$ í veðhlaupakappreiðum og er þetta bara mjög áhugaverð frammistaða hjá honum. Síðan kynnumst við krimma(Brendan Fraser) sem getur séð inn í framtíðina, yfirmanni hans(Andy Garcia) og söngkonunni(Sarah Michelle Gellar) sem sá fyrrnefndi fellur fyrir. Fraser kemur stórlega á óvart í þessari mynd og hefur satt að segja aldrei verið svona góður. Garcia er hins vegar í mjög týpísku hlutverki en það sem er athyglisvert er að hann minnir óneitanlega á Al Pacino. Sarah Michelle Gellar er eins og hún er oftast, sæt og skemmtileg en á engan stórleik. Loks er það Kevin Bacon sem leikur lækni í krísu. Frábær leikari sem aldrei klikkar. Það sem er helst að The Air I Breath er að hún verður pínu langdregin í seinni hálfleik, tónlistin er ekkert spes og svo hefur maður það á tilfinningunni að einhverjir möguleikar hafi ekki verið fullnýttir. Jæja, bærileg mynd og vel það. Ég segi þrjár stjörnur eða 8/10 í einkunn.