Bratz (2007)

Fyrst þegar ég heyrði að það væri að koma út Bratz bíómynd varð ég alls ekki bjartsýnn um gæði myndarinnar. Samt sem áður ákvað ég að bjóða fallegustu stelpu sem ég hef séð á myndina og get ég ekki annað sagt en að það hafi heppnast fullkomlega. Við gátum hlegið og skemmt okkur stórkostlega yfir myndinni, hún var bara virkilega spennandi og fyndin. Það eru margir sem halda eflaust að þetta sé einhver týpísk Hollywood mynd, en svo er ekki. Hún er í rauninni bara drepfyndin og bakvið mörg atriðin liggur djúpur húmor. Ég mæli með því fyrir alla að fara á myndina, hún kemur virkilega á óvart!