Slap Her, She's French! (2002)

Þessi mynd er alveg þessi dæmigerða mynd sem er gaman að sjá einu sinni. Hún er hálfömurleg og full af amerískum fordómum fyrir Frökkum og evrópubúum. Það er alveg óþolandi þessi hugsunarháttur í kananum að dæma alltaf önnur lönd útfrá því hversu auðveldlega er hægt að verða sér um hamborgara. Ástæðan fyrir að ég sá þessa var vegna þess að það voru ódýrir miðar í bíó. Myndin er með hefðbundið unglingamynda minni þ.e vinsælasta stelpan, fegurðadrottning, bitch og ríkidæmi, þið vitið. Söguþráðurinn er pínulítið frumlegur. Þið ættuð að sjá sjá Slap her.. þið sem hafið gaman af unglingamyndum.

Þó Lúsifer sjálfur hefði skrifað, leikstýrt og leikið öll helstu hlutverkin hefði niðurstaðan ekki verið verri og valdið meiri skaða á andlegt heilbrigði mitt.

Ég viðurkenni það að ég bjóst nákvæmlega ekki við neinu þegar þessi mynd var tekin (ekki af mér) en niðurstaðan var margfalt verri en ímyndunarafl mitt var fært um að krydda fram. Nú segja trúlega einhverjir að ég sé nú að ýkja, myndin geti ekki verið svona slæm og þar fram eftir götunum en ég fullvissa ykkur ágætu lesendur að svo sé ekki.


Þessi mynd hefst eins og venjuleg háskólamynd um fullkomnu stelpuna sem er að undirbúa sig undir fegurðarsamkeppni og allar þær klisjur sem því fylgir. Meira að segja kom fyndinn brandari frá litla bróðurinum og hefði ég vitað að þetta væri síðasta fyndna atriðið í myndinni hefði trúlega hlegið mun meira (greinilegur ókostur að vera ekki skygn).


8 mín liðnar af myndinni og toppurinn kominn og farinn. Eftir það versnaði myndin stöðugt. Franskur ömurlegur skiptistúdent kemur - er rosallega sæt og almennileg í byrjun (leiðinlegra en að verða vitni að krakkaballett) og verður síðan að tík frá helv... sem svo ótrúlega illa leikin og skrifuð að mér var flökurt. Hún fer og eyðileggur líf fullkomnu stelpunar sem síðan stefnir á það að hefna sín......


Eftir u.þ.b. 8 mín. áhorf var ég byrjaður að hata aðal söguhetju myndarinnar, PERSÓNULEGA og enginn karakter náði að sýna sitt andlit á skjánum lengur en í 1-2 mín áður en fyrirlitningin náði tökum á mér og er það án efa nýtt persónulegt met í nokkurri kvikmynd sem ég hef séð (og já ég hef séð Glitter). Undantekningin var litli bróðurinn (sem sagði brandarann í upphafi muniði) en hann sökk niður á mjög lágt plan í lokin þegar hann varð allt í einu umhyggjusamasti bróðir í heimi.


Ég hef haft það fyrir prinsipp að klára að horfa á þær myndir sem ég byrja en þetta var mesta raun sem ég hef lent í til þessa en góða við þessa lífsreynslu er það að nú get ég alltaf sagt ja þessi mynd er ekki jafn slöpp og slap her, she´s french


Ég tel að leikstjóri þessarar myndar, handritshöfundur og allir helstu leikarar ættu að skamma sín ótrúlega lengi fyrir þennan ófögnuð og síðan taka þá ákvörðun að koma ALDREI nálægt kvikmyndum aftur.

Þetta er ekki mynd til að sjá í bíó, nope! bara venjuleg high school mynd, ekkert sérstök eða neitt. hún er þó fyndin í suma kanta, en maður fer ekki á þessa mynd í bíó... maður hefur nú séð skemmtilegri high school myndir og varð fyrir frekar miklum vonbrigðum.

hún er samt fyndin og bara allt í lagi mynd.

mæli samt með að fara að leigja hana, frekar að bíða eftir að sjá hana í tv-inu..