Stundum er svo mikið að frétta úr afþreyingarheiminum að það er gjörsamlega ómögulegt að troða heilu fréttunum fyrir. Þess vegna hjálpar það einstaka sinnum að segja frá því nýjasta í örfréttum. Kíkjum á hvað er nýtt:
Hin upprennandi Jessica Chastain, sem sást meðal annars í The Tree of Life og The Help, mun fara með hlutverk Díönu prinsessu í glænýju „biopic“ drama frá sama manninum og færði okkur Der Untergang. Myndin mun fjalla um ævi hennar og verður meira að segja tekið upp bílslysið á sama stað og það gerðist í alvörunni.
Glæný plaköt voru að berast fyrir myndirnar Shame, The Girl with the Dragon Tattoo ásamt sex nýjum karakter-plakötum fyrir Sherlock Holmes: A Game of Shadows.
Handritshöfundar nýju Smurfs-myndarinnar hafa fengið það djobb að skrifa glænýja mynd um spínat-japlandi sjóarann, Stjána bláa (Popeye). Myndin verður tölvuteiknuð og að sjálfsögðu í kostnaðarsamri þrívídd.
Nýjasta myndin hans Clint Eastwood, J. Edgar, fær ekki góða dóma. Fyrstu umfjallanirnar hjá gagnrýnendum vestanhafs virðast að minnsta kosti ekki gefa annað til kynna.
Fullt af nýjum ljósmyndum voru að berast úr nýjustu mynd Brads Bird (The Iron Giant, The Incredibles), Mission: Impossible – Ghost Protocol. Það er ekki eins og það þurfi að selja myndina neitt frekar fyrir okkur. Við ákváðum flest að sjá hana fyrir löngu síðan, og ekki út af Tom Cruise.
Kvikmyndir.is hefur ákveðið að setja kvót frá notendum í Mynd vikunnar. Sá fyrsti til að hljóta þann heiður er Heimir Bjarnason.
Nýr íslenskur kvikmyndavefur opnaði í síðustu viku. Hann er nefndur eftir persónu sem Hayden Christensen gerði svo fræga.
Í fyrra voru aðeins 15 teiknimyndir keppandi um að komast í hólfið á Óskarnum. Nú í ár eru þær 18. Þar á meðal eru . Annars getið þið séð heildarlistann hér fyrir neðan og klórað ykkur í hausnum yfir sumu sem er þarna. Ekki verður nú erfitt að sigta út gæðamyndirnar.
- – Rango
– Kung Fu Panda 2
– Puss in Boots
– Rio
– Cars 2
– Hoodwinked Two! Hood Vs. Evil
– Gnomeo & Juliet
– Mars Needs Moms
– Winnie the Pooh
– The Adventures of Tintin
– Arthur Christmas
– Happy Feet Too
– Alvin and the Chipmunks: Chipwrecked
– The Smurfs
– Alois Nebel
– A Cat in Paris
– Chico & Rita
– Wrinkles
